غمز لي وقال محلو ياحظ اللي يحبونك..
غريبه كيف مايدري عن احساسي وحبي له!.
يقول لي كاشخ شعندك؟في قلبي قلت لعيونك
سرحت بعيد وناداني وانا والله فكري له
سالني منهو محبوبك؟وقال لي شفته بعيونك
فرحت وقلت له احلف قال امزح..عزتي له
حسبت انه درا عني هقيته قال لي عيونك
طلع مايدري شالموضوع وانا المح وانادي له
سالته قلت:له بسالك..من اللي عايش بكونك؟
من اللي تحبه ويحبك؟من اللي تسهره ليله؟
بغيته يقول لي انته بغيته يقول مجنونك
ولكن قال لي محد..على نياته ياحليله...
ضحكت ضحكت تعاسه وقلت له ياحظ مضنونك
وقال لي لا دخيلك ماني ناقص هم واشيله...
قلت له شوف حولك يمكن تشوف اللي يحبونك
تلفت..قال لي محد..وانا اللي قاعد اشكي له
الرئيسية 
أحدث الصور 
التسجيل 
دخول 
الأربعاء يوليو 23, 2008 6:46 am
